# Bartsch to Müller, 3 September 1631

::: {.editorial-note}
Only the Latin is given; the editors' German summary and notes are left out. The 1927 edition prints only extracts. Each paragraph below is one of its extracts, and the omission marks (…) are the editors'. Spaced type, which the editors used for emphasis, is given in italics.
:::

… Jam unicum hoc scribo: Hodie cum socru iter ingredior; faxit Deus, ut feliciori sidere et eventu, quam socer. Per Pragam, propter principis debita, Ratisponam propter haereditatis negotia, Lincium et Viennam, propter multa, si Deus voluerit, expediunda abire cogitamus.

Interim tabulas meas tecum retine, donec titulus et Praefatio addatur. Ephemerides et tabulas quotquot poteris, cognito pretio vendas obsecro. Somnii et Appendicis in majori charta exemplar unum (non manualis) trades quaeso juniori Voygtio, si petierit, ut videndum et aestimandum tradat viduae aut haeredibus Tampachii. Aliud exemplar Somnii alia occasione reddam. …

Apud meos interim liberi Keppleriani manent. …