# Crüger to Müller, 31 December 1634

::: {.editorial-note}
Only the Latin is given; the editors' German commentary and notes are left out. The 1927 edition prints only extracts. Each paragraph below is one of its extracts, and the omission marks (…) are the editors'. Spaced type, which the editors used for emphasis, is given in italics.
:::

De scriptis Keppleri etc. posthumis mandatum habeo a magistratu nostro, ut explorem, qualia sint illa scripta et quanti prostent. Quaeso itaque cum jam facilior sit occasio Lipsia quam Dantisco Saganum, Exc. T. procuret mihi Catalogum scriptorum, quae vendi possint, et, si inter ea etiam Observationes Tychonicae, exploret, an etiam Viduae sit integrum, eas vendere, si quidem procul dubio Caesar eas sibi vindicare posset tamquam Kepplero tantum concreditas. Quaeso rem hanc agat serio, et si non hac occasione (quod sane fieri nequit) saltem alia me omnium certiorem faciat.